10/23/2013

قاللك الثورة .. سلامااااااااات يا ثورة

سلامات يا ميدان


شىء مؤسف
بجد شىء نخجل نحكيه لأولادنا لما يكبروا
لما يسألونا إنتوا ليه عملتوا ثورة
سلامات يا ثورة
حد عارف إحنا ليه عملنا ثورة؟
وللا كله زى عادل إمام فى مسرحية الزعيم كان فى الحمام ساعتها؟
أنا بقى عارفه وفاكر ولسه عندى أمل فى الثورة
واللى عاوز يفتكر .. لما بقى فيه ثورة كانت عشان
( العيش والحرية والعدالة الإجتماعية والكرامة الإنسانية )
حط كل هدف من دول فى مقارنه بين ما قبل الثورة وما بعد الثورة
صدقنى النتيجة مخيبة
إن الوضع فى الأهداف اللى فاتت قبل الثورة أحسن بكتير من بعد الثورة
للأسف .. الثورة فشلت يا جماعة
وإحنا مكملين المشوار
وأملنا فى ولادنا وفى ربنا وفى بكرة
بس المهم نتعلم
ويبقى عند كل واحد مننا فكرة , إنه مش صح طول الخط
ولا اللى بيدافع عنه حق طول الخط
ويبقى السؤال
البلد رايحه فين؟
وتبقى الإجابه .. إبقى تعالى وأنا أقوللك فين !

0 comments: