بعد ما قريت فى البلوج اللى فات ولقيت إنك فعلا مش عارف انت عايش ليه !
حسيت إن وجودك زى عدمه فى الحياة .
بصيت للى حواليك لقيت اللى أبوه لواء .. واللى أبوه مستشار أو عنده أملاك وانتا ولا حاجه.
حسيت انك جنب الناس دى ولا تسوى ..
ولعنت أبو الفقر لأبو الوسايط والمحسوبية .
قررت فجأه .. تهرب
هتسافر بره تشتغل ..
بره الجو مختلف عن هنا ..
الفلوس كتير ومفيش وسايط ولا كوسة واللى بيشتغل بيلاقى قد تعبه ويمكن زيادة ..
بره مفيش تلوث مفيش فساد مفيش قرف كل يوم ,
ومصيرك ترجع من بره معاك فلوسك تتجوز وتعمل مشروع تأمن بيه مستقبلك.
ودى كانت نهاية شاب مصرى بلده كان عندها أمل فيه !
بلده؟ .. هى فين هيا بلده؟
هو مش حضرتك إتربيت عالأرض دى , وكبرت عليها .. وعرفت أصحابك وحبايبك وقرايبك عليها؟
وللا الحلوة ليك والوحشه ليها؟
هسألك سؤال بسيط يمكن يحل المعضله دى كلها ..
كان نفسك تطلع إيه وانت صغير؟
دكتور؟ وللا مهندس؟ .. ممكن حتى صيدلى أو طيار
آه طبعا الطموحات اللى متغلفة برغبات الأهل , ونفسك تبقى زى ما أهلك قالولك بما أنهم هما اللى بيصرفوا على تعليمك .. أقصد دروسك الخصوصية.
لكن كان فعلا نفسك تبقى إيه؟
حققت حاجه من اللى نفسك فيها؟
بلاش دى .. جربت تسعى إنك تحقق الحاجه اللى نفسك فيها؟
هتقولى وسايط ومحسوبية .. وللا قهاوى وشباب ضايعه ,, وللا مصالح حكومية؟
مشكلة الجيل الحالى – وتحديداً جيل الثمانينات – هو عدم وجود القدوة اللى فعلا توجه القوة الضاربة بتاعت البلد دى لمكان صح.
محدش فينا عرف يعنى إيه قدوة الا أبوه أو حد من قرايبه , ولما بدأ يشبّ شوية لقى عمرو دياب فقلده , أو حتى مايكل جاكسون فرقص زيه , أو حتى مؤخراً إنضم لإحدى حملات الداعية الإسلامى عمرو خالد.
لكن إن حد فينا يشوف نموذج ناجح قدامه وياخده كمثال ليه فى حياته " بعد الرسول صلى الله عليه وسلم" للأسف محصلش.
لكن .. الوقت مفاتش , ولسه فيه أمل.
دور جواك ودعبس .. إنت ناجح ومتميز فى إيه ..
دور أكيد هتلاقى ربنا أنعم عليك بميزة زيادة شوية عن كل المزايا.
كان إيه الشىء اللى دايما متلاحظ فيك وانت صغير؟
إبدأ حدد لنفسك هدف جديد وإشتغل علشان تحققه ..
قال الله تعالى وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ التوبة:105
إشتغل بجد ومالكش دعوه بأى حد ..
إشتغل لنفسك وبس , وحط لنفسك خريطة طريق تمشى عليها وتوصل لآخرها وتدوق طعم النجاح هناك.
واللى قاللك إنك مادمت محققتش حاجه فى حياتك قبل كده خلاص راحت عليك يبقى غشك , ولو صدقته يبقى ضحك عليك ..
مفيش فترة زمنية تحقق فيها أهدافك وطموحاتك , طول مانتا عايش مطالب إنك تلاقى لنفسك هدف وتحققه.
جوه مصر بره مصر مش فارقة , بس صدقنى كتير قوى نجحوا جوه مصر ومن غير مساعدة من حد ..
إبدأ من جواك هتلاقى الإجابة ..
واللى مالوش هدف .. يشتريله هدف ..
حسيت إن وجودك زى عدمه فى الحياة .
بصيت للى حواليك لقيت اللى أبوه لواء .. واللى أبوه مستشار أو عنده أملاك وانتا ولا حاجه.
حسيت انك جنب الناس دى ولا تسوى ..
ولعنت أبو الفقر لأبو الوسايط والمحسوبية .
قررت فجأه .. تهرب
هتسافر بره تشتغل ..
بره الجو مختلف عن هنا ..
الفلوس كتير ومفيش وسايط ولا كوسة واللى بيشتغل بيلاقى قد تعبه ويمكن زيادة ..
بره مفيش تلوث مفيش فساد مفيش قرف كل يوم ,
ومصيرك ترجع من بره معاك فلوسك تتجوز وتعمل مشروع تأمن بيه مستقبلك.
ودى كانت نهاية شاب مصرى بلده كان عندها أمل فيه !
بلده؟ .. هى فين هيا بلده؟
هو مش حضرتك إتربيت عالأرض دى , وكبرت عليها .. وعرفت أصحابك وحبايبك وقرايبك عليها؟
وللا الحلوة ليك والوحشه ليها؟
هسألك سؤال بسيط يمكن يحل المعضله دى كلها ..
كان نفسك تطلع إيه وانت صغير؟
دكتور؟ وللا مهندس؟ .. ممكن حتى صيدلى أو طيار
آه طبعا الطموحات اللى متغلفة برغبات الأهل , ونفسك تبقى زى ما أهلك قالولك بما أنهم هما اللى بيصرفوا على تعليمك .. أقصد دروسك الخصوصية.
لكن كان فعلا نفسك تبقى إيه؟
حققت حاجه من اللى نفسك فيها؟
بلاش دى .. جربت تسعى إنك تحقق الحاجه اللى نفسك فيها؟
هتقولى وسايط ومحسوبية .. وللا قهاوى وشباب ضايعه ,, وللا مصالح حكومية؟
مشكلة الجيل الحالى – وتحديداً جيل الثمانينات – هو عدم وجود القدوة اللى فعلا توجه القوة الضاربة بتاعت البلد دى لمكان صح.
محدش فينا عرف يعنى إيه قدوة الا أبوه أو حد من قرايبه , ولما بدأ يشبّ شوية لقى عمرو دياب فقلده , أو حتى مايكل جاكسون فرقص زيه , أو حتى مؤخراً إنضم لإحدى حملات الداعية الإسلامى عمرو خالد.
لكن إن حد فينا يشوف نموذج ناجح قدامه وياخده كمثال ليه فى حياته " بعد الرسول صلى الله عليه وسلم" للأسف محصلش.
لكن .. الوقت مفاتش , ولسه فيه أمل.
دور جواك ودعبس .. إنت ناجح ومتميز فى إيه ..
دور أكيد هتلاقى ربنا أنعم عليك بميزة زيادة شوية عن كل المزايا.
كان إيه الشىء اللى دايما متلاحظ فيك وانت صغير؟
إبدأ حدد لنفسك هدف جديد وإشتغل علشان تحققه ..
قال الله تعالى وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ التوبة:105
إشتغل بجد ومالكش دعوه بأى حد ..
إشتغل لنفسك وبس , وحط لنفسك خريطة طريق تمشى عليها وتوصل لآخرها وتدوق طعم النجاح هناك.
واللى قاللك إنك مادمت محققتش حاجه فى حياتك قبل كده خلاص راحت عليك يبقى غشك , ولو صدقته يبقى ضحك عليك ..
مفيش فترة زمنية تحقق فيها أهدافك وطموحاتك , طول مانتا عايش مطالب إنك تلاقى لنفسك هدف وتحققه.
جوه مصر بره مصر مش فارقة , بس صدقنى كتير قوى نجحوا جوه مصر ومن غير مساعدة من حد ..
إبدأ من جواك هتلاقى الإجابة ..
واللى مالوش هدف .. يشتريله هدف ..
Posts
1 comments:
بوست جمبل مع انه باللغه العامية
بس فعلا اللى ملوش هدف يشترى له هدف
Post a Comment