بطّل تحير نفسك

بطّل تحير نفسك .. وشوف إنت عايز إيه
خايف؟ .. طب من إيه؟
ولما خفت .. عملت إيه؟
ندمان على اللى راح من عمرك؟
زعلان على الوقت اللى راح هدر ..
وسنين عمرك اللى وقعت زى ورق الشجر ..
طيب خلاص ..
راح كتير واللى جاى أكتر
والعمر مش مرتين !
متردد؟؟ ولو قررت تاخد قرار
هتخسر إيه؟
مانتا ياما قررت ولا نفذت
ولما قررت .. عمرك ندمت؟
مكانك مستنيك .. بس إمشيله خطوتين !
لسه حيران؟
شايفك لسه ندمان ..
طيب سؤال ..
إنتا عارف إنتا مين؟
أو حتى قررت تكون مين؟؟
إفتح قلبك متخبيش
وقول كل اللى جواك
لو حزين إبكى ..
لو ندمان إندم ..
بس شخبط عالقديم
وقرر ..
إنت مين !
وبطّل تحير نفسك ...

إهداء لكل حائر ..
إسلام يونس
25\8\2008