!! ولــســه

ولسه القطر موصلشى
ولسه الحلم ماكملشى
ولسه الدنيا قدامنا ..
نعيشها قبل ما نمشى

ولسه القلب زى ماهوه
بيصرخ بس من جوه
سألت كتير علشان افهم
ده ضعف ولا ده قوة؟

ولسه الوقت بيعدى
بيجرى وعمره ما يهدى
وامتى يا قلبى هتبقى سعيد
ده حلم وحلمى على قدى

وذكرى الحب فى الماضى
تعدى نقول ده بقى عادى
ولما بحن كتير فى ساعات
بقول ضاع وقت عالفاضى

قتلت بإيدى إحساسى
وعشت كتير عامل ناسى
ياريتنى بعرف أنساها
ياريتها فى نص إخلاصى


ده حلم العمر ياخواننا
طب أحلم وللا أتمنى
لو كل شىء أنا حلمته
هقابله بس فى الجنه

وآدى الليالى اللى أنا سيبتها
وحكايات عمرى اللى أنا عشتها
وصفحة جديدة فى حياتى ..
وأوهامى اللى صدقتها

ولسه القطر موصلشى
ولسه كلامنا مخلصشى
وأحلامنا اللى ضايعه كتير ..
مابين صاحى ومبنامشى

"فإننى لا أكترث أن يفوتنى قطار واحد مرتين , بل أكترث الآن للقطار الوحيد الذى أركبة وأصل به إلى وجهتى التى سأعرفها معه"

فى إنتظار القطار
http://islamyouns.blogspot.com/2008/06/blog-post.html